The Future of Norway Chin Christian Federation Consultation

The Future of Norway Chin Christian Federation Consultation: The Future of NCCF Consultation cu 8 October 2016, Tasta bydelshus, SCC, Stavanger ah Pathian lamhruainak thawngin tlamtling tein kan tuah. Consultation ah NCCF member Khrihfabu 18 chungah Bu 15 le NCRC le pumpak he upa aiawhtu 94 kan kai kho i chuahpimi cathluan cu a tanglei hna hi an si.

  1. Paper I NCCF dirhmun le rianttuannak                       By- NCCF OC
  2. Paper II Mission rianttuannak                                       By- Mission committee
  3. Paper III Church school dirhmun le riantuannak      By- Sunday School Committee

(NCCF Consultation A Kaimi Hna)

picture2

Consultation Biafunnak:   Hi lengah Khrihfabu cio nih Mission rian an ttuannak le Sunday school program cio theihternak an kan tuah. Cu hnuah consultation kai upa kha phun 3 ah tthen in caan saupi ceihttinak kan ngei i groups cio biafun fonh in kan zapi in a tanglei bantuk in biafunnak ngeih a si.

Paper I – NCCF dirhmun le rianttuannak:  NCCF dirhmun (admin) cu thlen sisehlaw, thlen thiam awkah Technical Adviser Team ser in hi team nih a herhning in kan hlat hlai piak hna seh tiin bia kan fun. NCCF structure he pehtlai in min auh ning tete pawl hi cu kan phunghram tu i zoh seh law, cu ah cun aa fun ko tiah bia kan fun.

picture3

Paper II – Mission rianttuannak:

  1. NCCF member Khrihfabu hna nih Kawlram lei mission rian kan tuan cio nakah i fun khawhnak a um ahcun a herhning in Mission Committee nih lam kan kawlpiak hna seh tiin bia kan fun.
  2. CBC USA nih sawmin a tuahmi ICBMSConference, LBC, Yangon ah NCCF min in a va kai ve ding kan aiawhtu hna nih Chin miphun sin mission rian kan ttuan cio nakah ramleng Chin Khrihfabu hna buaibai loin ttuanzia thiam awk ah International Chin Mission Sending Joint Committee (ICMSJC) ser ding va chuahpi awkah bia kan funh hna.
  3. NCCF zapi nih Mission rian ttuan an duh chin naklai Mission Gospel team asiloah ramchung in Field rianttuan sawm ding cu committee thiam nih a herhning in kan tuaktan piak hna seh tiah bia fun a si.

 Paper III   Church school dirhmun le riantuannak: NCCF CE riantuannak hi Mino le nubu an dir bantukin dir kho ve hna seh law kan duh piak hna tiah bia kan fun.

 Consultation Biafun NCCF EC nih Fehternak: NCCF rianttuannak a tthawn deuh khawh nakhnga a dirhmun thlen khawh awkah Technical Adviser Team ser siseh tiah consultation nih bia a funmi cu NCCF EC meeting, 08 October 2016, SCC, Stavanger nih lunglawm tein a fehter. Technical Adviser Team (TAT) zong dirh a si i  TAT cu NCCF OC upa 6 lengah Peter Sang Lian Thang le Chin Khrihfabu dirhnak ah a rak kan dirhkamhtu Pastor Magnar Mærland bawmh hal sisehlaw asi thiam lo ahcun Baptist Union lei in ramdang a kan zohkhenhtu Pastor Mette bawmh hal in ser awkah a fehter.


picture4

TAT nih NCCF tthawng deuhin i sersiam khawhnak ah a herhmi poah hlathlainak a tuah lai i NCCF BM ah cathluan in a chuahpi lai. A chuahpi tik ah a si khawhnak he a si khawh lonak he ruah kemh thiam awk in a zuam piak lai. BM meeting nih a herh a tining in ttuan chuah a si lai. NCCF cu Khrifabu member cio hrambunh in dirhmi Bu a si caah a herhning in Khrihfabu cio ah ruahnak hal a herh te lai ruangah i thlennak dingah a kum in caan lak a herh tiah ruah a si. NCCF News

picture6

2016 NCCWF Gospel Team

2016 NCCWF Gospel Team

By – NCCF

NCCWF hruainak in NCCWF Sunday October a zarh khatnak zarhpi ah Church le Fellowship in Nubu hna nih NCCF member chung Church le Felowship dang cio ah thawngtha he tlawnkainak le hawikomhnak ngeih a si i atutan aa tlawng kho hna cu a tlanglei hna hi an si.

  1. CCCWF, Hamar nih IBC, Sandnes an tlawn hna.
  2. CBCWF, Grimstad nih SCC, Stavanger an tlawn hna.
  3. NCMCWF, Oslo nih ZBC, Egersund an tlawn hna.

 

(NCCWF Gospel ah SCCWF, Stavanger le CBCWF, Grimstad Nule hna)

picture1

(Oslo NCMCWF Gopel Team ZBC Egersund ah hlaremh lio)

picture2

(NCMCWF Gospel Team)

picture3

(CBCWF Gospel Team nih SCC, Stavanger ah hla an remh lio)

picture4

(CCCWF Gospel Team IBC, Sandnes ah Hla Remh lio)

picture5

(NCCWF Gospel ah CCCWF Hamar le  IBWF, Sandnes Nule hna)

picture6

NCCWF cio 2013, NCCF GM nih rak dirh a si i 2016-2019 caah NCCWF hruaitu thar zong naitan July 2016 NCCWF GM meeting, CBC, Froland ah thim a si i a tanglei hna hi an si.

  • Chairman                     Pi Doris Dar Zing
  • Vice Chairman            Pi Sui Za Men
  • Secretary                      Pi Iris Ngun Bor
  • Assist-Secretary          Pi Cer Cin
  • Treasurer                      Pi Dar Nawn Tial
  • Assist-Treasurer          Pi Ngun Kil

NCCF Sunday school Committee Meeting

NCCF Sunday school Committee Meeting: NCCF Sunday school committee meeting cu GBC, Stavanger, 24 September 2016 (zarhte) ah tlamtling tein tuah a si. Committee upa le sawmmi chungin pakhat hmanh bau lo tein meeting an kai kho. 2016-17 NCCF Sunday school program zong a tanglei bantuk in fehternak an tuah.

  1. Sunday school teacher’s training cu 12-14 May, NCMC Oslo ah tuah ding in an fehter i cawnpiaktu ah Pastor Van Lian Oke le Par Tha Tial sawm an si lai.
  2. NCCF Sunday school civui zong kum dang tawn bantuk in hmun 2 ah tuah a si lai i Oslo area caah June 24, 2017, CCC, Hamar ah a si lai i Vestland area caah July 01,2017, BCC, Moi ah a si lai.

A tu kum ah a hlei in biachahnak an ngeihmi cu kum 13-16 kar (Youth Sunday school) cu NCCF Sunday school committee hruainak in tuah i zuam sisehlaw 2016 chungah a tlawm bik thla khat voi khat in thawk khawh awk ah Church le fellowship kip ah ruahnak hal siseh ti a si. Youth Sunday school cawnnak hmun cu a tanglei bantuk in hmun 5 ah tthen in tuah timh ding a si.

  1. IBC Sandnes + SCC Stavanger + GBC Stavanger
  2. ZBC Egersund + BCC Moi + VACC Kvinesdal
  3. CBC Grimstad + GCBC Grimstad
  4. Telemark area + Oslo area
  5. CCC Hamar + PMC Elverum + GCCF Gjøvik + ÅCCC Ålesund

2016 NCCF Sunday school committee Meeting lio

img_0247

Youth Sunday school a kaimi hna caah NCCF ramchung dihlak fonh in kum khat ah voi khat youth camp tuah piak siseh tiah biafunnak ngeih a si. Hi Sunday school rianttuannak cu Oslo area le Vestland area in ttuan chuah i zuam sisehlaw Oslo area convener ah Par Tha Tial an thim i Vestland area convener caah Mang Bawi Lian an thim ve.

Hmailei caan ah Sundayschool rianttuannak hi committee dirhmun long si loin a tlawm bik NCCYF le NCCWF dirhmun in dirh ve awk ah NCCF consultation ah chuahpi ding in biafunnak zong an ngei kho. NCCF Sunday school committee (2016-2019) upa hna cu a tanglei hna hi an si. NCCF News

  1. Tawk Hmun –                   Leader
  2. Par Tha Tial –                   Member
  3. Mang Bawi Lian –                ii
  4. Mary Tialku –                        ii
  5. Khen Tial –                            ii
  6. NCCYF Chairman –             ii
  7. NCCYF Secretary –              ii

NCCF Sunday school Committee upa hna (2016-2019)

img_0255

Norway Chin Christian Federation Consultation

cropped-gaa.png

Norway Chin Christian Federation Consultation
 October 7-8, 2016, SCC, Stavanger

Consultation Hmuitinh:   Norway Khuasa Chin Khrihfami hna cu Pathian vel thawngin Norway Chin Christian Federation (NCCF) ah Pathian sunparnak caah siseh, kan phak ram mi hna he khuasaktti zia thiamnak caah siseh kan semnak ram vun ruah tthannak le Pathian thawngtha karhnak caah siseh 2003 thawk in nihin tiang lungrual tein rian kan ttuantti cang.

Hi leng ah kan semnak in Norway ram tiang a kan phakter i hi ram thluachuah a kan hrawmh vemi le kan caah thil liannngan a tuahtu Pathian dawtnak kha fiang tein kan fale chimh cawnpiak le kan semnak ram le kan sining te kha an philh lo nak ding chimh le cawn piak hna aa tel rih,

Cu caah hi hmuitinh tlam tlinh awkah NCCF rianttuannak cu Norway cozah tang ah Khrihfabu lei rianttuannak dirhmun zohkemh in fek tein a dir khawh nak dingah Consultation a tuah hi a si i Church, Felowship le pumpak in sawmmi dihlak rak kai cio nak ah Bawi Khrih min in kan in sawm hna.

Consultation ah Ceihtti Dingmi hna

  1. NCCF dirhmun le rianttuannak (Structure, Strategy and Plan)
  2. Church School dirhmun le rianttuannak (Structure, Strategy & Plan)
  3. Mission rianttuannak (Structure, Strategy and plan)

Consultation Tuahnak Hmun le caan

  • A hmun:           Tasta Bedehus, Randabergveien 155, 4027 Stavanger
  • Khual phan ni: 7 October 2016 (zanlei)
  • Consultation ni: 8 October 2016 (Zarhte)
  • A caan:            7:30 – 18:00
  • Khual phak ni cu SCC, Bergeland gata 46, 4012 Stavanger ah zanriah dangh a si.

Consultation Caan Hmannak

07:30 – 08:30     –                 Thaithawh
08:30 – 09:00    –                 Program Onnak
09:00 – 12:00   –                  Consultation Cathluan Chuahpinak

Chuncaw – 12:00 – 13:00

13:00 – 14:30  –                    Groups Discussion

Dinh caan -14:30 – 15:00      –

15:00 – 16:00    –                  Groups Discussion
16:00 – 17:00 –                     Consultation ceihmi chungin Biafunak
17:00 – 18:00  –                    Zanriah

Bawipa rian ah,

Officer’s Council
Norway Chin Christian Federation

Norway Chin Christan Federation Civui

Norway Chin Christan Federation Civui:       A voi 6nak Norway Chin Christian Federation (NCCF) Civui cu Carson Baptist Church, Ungdonskele, Froland, ah 22-24 July 2016 tiang ni 3 chung tuah a si i sunglawi taktak in Pathian thangthatttinak kan ngei kho. NCCF info. lei nih NCCF member chungin 34.% nih atutan NCCF Civui hi an rak zawh tiah thawng an kan thanh.  NCCF member dinhlak ah 1500 velchum kan si.

picture2Gospel zai thiam Noami Par Tha Sung

Civui Main speaker ah Evangelist Rev. Dr, Stephen Tha Nei Fai kan sawm i voi 4 khengte thawngtha a kan chimh. Civui zawhmi zapi an i lung hmuih ngaingai.  Zarhte chun ah cawnpiaknak kan ngei kho i Dr, Stephen Tha Nei Fai lengah Union Theological Seminary, Matupi Principal Rev. Dr. Thang Hnin Zam le NCMC Oslo Pastor John Tha Cung hna nih cawnpiaknak an kan ngeih. Atutan kan civui cu Kawlram lei in Gospel singer Noami Par Tha Sung le zaithiam Emily Par nih an kan telpi i a hlunghlai chinchin.

3

Mino hna nih lunglawm tein Bawipa an thangthat!

4

Civui chungah Choir zuamnak le Solo zuamnak hna kan tuah kho. Choir zuamnak hlaremh cu Siang Tha Lian nih a kan phan piak i Quartet zuamnak hla cu Sang Uk Sakhong nih a kan phan piak. Choir zuamnak ah pa 1nak cu Zion Baptist Church, Egersund an si i 2nak cu Telemark Chin Baptist Church, Skien an si.

55Solo zuamnak ah 1nak a hmumi Siami

Solo zuamnak ah pa 1nak cu Siami, CCC, Hamar a si i 2nak cu Mah Thim, GBC, Stavanger a si. Quartet bel aa zuam khomi kan um hna lo. NCCF civui cu kum 3 dan ah tuahmi a simi 2019 ah va tuah nawlh te ding a si lai. NCCF News

Norway Chin Christan Federation General Meeting

Norway Chin Christan Federation General Meeting: A voi 7nak Norway Chin Christian Federation General Meeting (NCCF GM) cu Carson Baptist Church, Ungdonskele, Froland, ah 21-22 July 2016 tiang ni 2 chung tuah a si i NCCF member Khrihfabu (Church) le hawikomhnakbu (Fellowship) in aiawhtu upa 112 kan kai kho. Kum 3 chung NCCF rianttuannak report peknak ngeih a si. GM meeting he kemh in Civui zong tuah chih a si. NCCF cu 2003 ah rak dirh a si i 2010 ah phunghram rak ser a si, a tutan GM meeting nih a thar chuah tthan i a fehter..

picture2NCCF Civui ah Sawmmi hna le NCCF Hruaitu upa cheukhat

NCCF cu Khrihfabu members cio nih kumkhat an thawhlawmpi chungin 5% in pehtlainak fund pek in Pathian sunparnak caah rian a ttuanttimi bu kan si. A ttuanmi rian cu Norway khuasa Chin mi hna nih Pathian a kan dawtnak hngalh in kan um ram ah Thlarau le biaktak in Pathian biak le thangthat awkah Thlarau lei nuntthannak program (Spiritual Renewal program) cu 2011 thawkin kumtin member Khrihfabu kip caah zarh khat caan pek in sersiam piak a rak si..

2016 caah Rev. Dr, Stephen Tha Nei Fai sawm a si i Civui zong ah Main speaker a si chih. Cu lengah Bible in kan tthannak ding caah Bible conference zong zapi fonh in hmun 2 ah kum tin rak tuah lengmang a si. 2011 in Bible conference cawnpiaktu ah Rev. William Khen Chum Bik, Norway Baptist Union GS Terje, Rev. Dr, C. Duh Kam le Rev. Dr. Hla Aung hna cu kumtin aa chang in kan rak sawm hna.

picture3NCCF Civui Main Speaker Rev. Dr. Stephen Tha Nei Fai

Cun kan fale hna nih an hmet ka sem in kan phak ram ah sertu Pathian an hngalh i Pathian dawtnak le Amah Pathian tihzahnak he fimnak in an tthan nakding caah siseh, kokek holh tein ngakchia kip nih Bible an rel khawh i kokek holh in Pathian thangthat hla sak khawh nakding caah siseh Sunday school cawnnak cu Church le Fellowship kip ah a tuah lengah Sunday school kai dihlak kum khat voi khat tonnak Sunday school civui zong hmun 2 ah kum tin tuah piak an si rih. Kum 3 dan ah zapi fonh in Sunday school civui a tuah piak. NCCYF le NCCWF nih mino le nule hna caah a dang tein program kum tin ser a si ve.

Kan semnak kan ram ah ZBC nih a rak ttuanmi CCOC hmaban ttuan peh awk zong 2006 lio tein Mission fund khon hram rak thawk a si i Kr. 150,000 fai a khon hnu ah 2010 in Paletwah ah Mission field ngeih in rian a ttuan cuahmah rih. Kan semnak ram inking meitek le zatlak puicimh ah a herhning in a bawmh peng rih. Hi a cunglei rian hna tlam tlinh awk ah atutan NCCF GM nih NCCF hruaitu (2016-2019) thar hna cu a tanglei bantuk in a thim hna.

  1. NCCF Chairman –                                                      Aung Lin Zaathang
  2. Vice chairman/Mission leader –                             Peter Ngaidam
  3. Secretary –                                                                   Hlawnceu Ceu Mang
  4. Assistant secretary cum Sunday school leader – Rev. Tawk Hmun Tluangneh
  5. Treasurer –                                                                  Bawi Lian Mang
  6. Assistant treasurer –                                                Thang Hlun
  7. NCCWF Chairperson –                                             Doris Dar Zing
  8. NCCYF Chairman –                                                   David Cung Cem Bik (2014-2017)

13701126_1056824981073844_6582532230551941588_o2016 NCCF Sunday school civui, CBC, Froland

picture5
NCCF Civui Praise & Worship Team

NCCF a ttuan hawi hna cu Chin Christian Association of Europe (CCAE)  ah member a si i CCAE in Global Chin Christian Federation (GCCF) le International Chin Literature Society (ICLS) hna he partner in an ttuantti. NCCF rianttuannak cu Norway cozah tangah biaknak lei rianttuannak dirhmun zohkemh in a ra laimi 7-8 October, 2016, SCC, Stavanger ah Consultation tuah ding aa timh. NCCF News